Новак Ѓоковиќ славеше во второто коло на турнирот во Токио против Го Соеда со 2:0 во сетови, но одредени моменти на мечот го налутија првиот светски рекет и веднаш реагираше.

При негово водство од 5:4 во вториот сет, Србинот беше убеден дека ударот на Јапонецот заврши во „аут“, но воедно и го слушна линискиот судија како викна „аут“.

Мислејќи дека сè е во ред Ѓоковиќ не побара видео проверка, но потоа остана во шок кога сфати дека главниот судија не реагираше и побара „челенџ“. Доби одговор дека тоа веднаш мора да се направи.

– Па, еве, сега барам челенџ. Па, немојте да играте такви игри со мене. Еве (објаснува) толку беше „аут“. Беше врева, а таа рече „аут“. Можеби не покажа со рака, но тоа го рече – се обидуваше Ноле дека е во право.

Главниот судија тогаш го повика детето кое ги собираше топчињата во близина на Ѓоковиќ и го замоли да каже што точно се случило во сомнителниот момент:

– Не плаши се, кажи ми што се случи, дали можеби ти си направил некаква врева?

Кога слушна што имаше детето да му каже, судијата се согласи со Ѓоковиќ дека навистина било „аут“.