Наскар суспендира возач поради расизам на виртуелна трка
Наскар го суспендира Кајл Ларсон бидејќи возачот за време на виртуелната трка извикувал навреди на расна основа.
Кајл Ларсон во неделата беше дел од виртуелната трка заедно со уште 61 професионален возач, а трката беше пренесувана во живо преку стримови.
Но, според американските медиуми за време на трката сите можеле да го слушнат Ларсон како извикува навреди на расна основа, а снимката веднаш се појави на Твитер. Казната експресно го стигна Ларсон.
„Различноста и рамноправноста се еден од приотетите на Наскар и нема да толерираме таков речник како што во неделата го користеше Кајл Ларсон. Нашите правила се јасни и во склад со нив ќе постапуваме“, порачаа од Наскар.
Возачот веднаш се извини преку својот Твитер профил порачувајќи дека жали за постапката но и дека е свесен за направената штета:
„Направив грешка и кажав нешто што не требаше. Немам оправдување за тоа. Не сум израснат на таков начин. Жалам поради испадот и жал ми е за семејството, пријателите, родителите, Наскар и посебно поради Афро-американската заедница“, изјави Ларсон.
— Kyle Larson (@KyleLarsonRacin) April 13, 2020