НАкС организира отворена дискусија за Законот за високото образование
Независниот академски синдикат (НАкС) денеска во Кинотека ќе одржи отворена дискусија „Законот за високото образование: Искуства од примената и потреба од промени”.
Дискусијата, како што соопшти НАкС, има за цел да се идентификуваат искуствата од спроведувањето на Законот за високото образование (ЗВО) во сите негови аспекти, од гарантирањето на автономијата и начинот на нејзината реализација до одговорноста на високобразовните установи за спроведување на законот и идентификување на неговите слабости.
Според НАкС, единствено врз основа на идентификуваните состојби би требало да се артикулираат потребите за измена и дополнување на ЗВО.
НАкС на дискусијата ги повикува сите членови на академската заедница, органите на управување во високобразовните установи и клучните институции за високото образование.