Најскап тинејџер во светот: Има 17 години и вреди 125 милиони евра
Младиот напаѓач кој веќе е дел од првиот тим на Порто има само 17 години и со новиот договор, доколку некоја екипа сака да го ангажира ќе мора да плати неверојатни 125 милиони евра.
Иако за многумина оваа сума е неверојатна, но за услугите на младиот Силва голем интерес пројавија гиганти како Атлетико Мадрид, Ливерпул и Реал Мадрид.
Фабио Силва дебито за првиот тим на Порто го имаше сезонава, а првиот гол го постигна во Португалскиот куп против Коимбреш со што стана најмладиот стрелец во историјата на клубот со само 17 години и 22 денови.
Силва постигнувал голови за сите млади селекции на Португалија за кои настапуваше, а единствено не беше член на репрезентацијата до 21 години. Иако Порто со потписот „лупна“ историска откупна клаузула за португалскиот фудбал, не е гаранција дека младиот фудбалер ќе остане долго во тимот, бидејќи изминатото лето Атлетико Мадрид плати 120 милиони евра за 19-годишниот Жоао Феликс од Бенфика.