Најмалку 12 лица ги загубија животите, а десетици се повредени во страшното стампедо на фудбалскиот стадион во Кускатлан, Ел Салвадор, пренесува „Би-Би-Си“.

Трагедијата се случи на четвртфиналниот натпревар од домашното првенство меѓу Алијанца и ФАС на стадионот Монументал во Кускатлан.

Според првите информации до несреќата дошло поради гужва која се создала на еден од влезовите на стадионот. Голем број навивачи се обидоа да влезат на стадионот по затворањето на портите. Изби стампедо и се случи невидена трагедија.

– Тоа беше вистинска лавина навивачи што ја проби вратата. Некои останаа заробени во тунелот, други се упатија кон трибините, по што мораа да упаднат во самиот терен – откри еден сведок.

Луис Алонсо Амаја од Цивилната заштита на Ел Салвадор рече дека околу 500 луѓе добиле медицинска помош и дека многу од нив биле префрлени на стационарно лекување.

Фудбалската федерација на Ел Салвадор соопшти дека жали за инцидентот и изрази поддршка за семејствата на жртвите.