„Марка“ се повикува на сведочењето на високопозоционираниот член на АФЕ, Антонио Саиз Чеке, кој тврди дека Аганзо го натерал да плати 3.000 евра на неименуван јавен службен за илегално да добие финансиски документи за вториот шпански фудбалски синдикат „Futbolistas Onа“.

Аганзо со овој потег сакал да докаже дека Ла Лига ги финансирала Futbolistas Onа“ кој е нов синдикат, формиран пред две години и кој ги застапува интересите на фудбалерите кои играат во пониските лиги и на женскиот фудбал.

Весникот го повика Аганзо да до поднесе оставка, додека поранешниот фудбалер на Реал Мадрид тврди дека обвинувањата се лажни и дека е подготвен да ја брани својата чест, а се огласи и Futbolistas Ona“.

–  Се наоѓаме пред најголемиот скандал во шпанскиот фудбал во последната деценија. Веќе ја предадовме целата документација на судот и не сакаме да има корупција во фудбалот. АФЕ со мафијашки методи се обидува да не уништи – изјави Хуанхо Мартинез, претседателот на Futbolistas Ona“.

Аганзо потекнува од младинската школа на Реал Мадрид, но за првиот тим на „кралевите“ одигра само пет натпревари што беше доволно да добие медал за триумфот во Лигата на шампионите 2000 година.

Во 2017 година доаѓа на чело на АФЕ и тоа на местото на Луис Рубиалес кој стана претседател на фудбалската федерација на Шпанија.