Граѓаните на малата држава Луксембург, која е најбогатата во Европа, веќе три години уживаат во бесплатниот јавен превоз.

Ова воопшто не е изненадувачки, бидејќи на годишнината на оваа навидум многу скапа јавна иницијатива, речиси сите што користат трамваи, автобуси и возови во малата земја-членка на ЕУ велат дека се задоволни со тоа, пренесува „Еуроњуз“.

„Бидејќи е бесплатно, полесно е брзо да се донесе одлука, да се избере помеѓу јавен превоз или приватен автомобил. Тоа е многу позитивно за животната средина и многу попрактично“, вели еден жител на Луксембург.

Се разбира, помага и фактот што повеќето луѓе во оваа држава се богати, како и тоа што оваа земја има мала популација. Има само околу 640.000 граѓани и секој од нив, во однос на БДП по глава на жител, вреди околу 99.900 евра годишно според најновите податоци на Светска банка од 2021 година. Споредено со секој граѓанин во соседна Франција, просекот таму е „само“ 35.200 евра годишно.

Luxembourg has become the first nation to offer free public transport! Deputy Prime Minister Francois Bausch said the plan would reduce congestion in the capital, Luxembourg City, and cut #pollution.https://t.co/kuBsv8wbWe pic.twitter.com/U8SlcFGJ6x

— The World We Want (@The_WorldWeWant) March 3, 2020

Луксембург го промовира бесплатниот јавен превоз како начин за борба против загадувањето и климатските промени со привлекување на луѓето подалеку од нивните возила со возови и автобуси.

Но, засега, автомобилите сè уште се најчести, иако некои Луксембуржани веќе го сметаат бесплатниот превоз како право, а не како дарежлив подарок од владата.

„Ова им овозможува на сите жители надвор од границата, особено на оние од Белгија, Германија и Франција, лесно да патуваат. И покрај тоа, тоа е добра форма на слобода. Ние го немаме ова во Франција. Има помалку контролори, има помала мака“, рече друг среќен корисник на трамвајот.