Флор Бресерс (30), еден од најбараните нарко босови во Европа, по две години во бегство е уапсен во Швајцарија. Белгиецот со магистратура по криминологија, наречен „сечач на прсти“, се бара од 2020 година, кога беше осуден на четири години затвор за киднапирање, сечење со жилет и претепување на холандски цвеќар кој шверцувал дрога преку британската царина.

Се сметало дека Бресерс се крие во Јужна Африка, но бил уапсен во Цирих каде бил пронајден со партнерката и детето. Белгиските власти побараа негова екстрадиција.

Тој претходно беше гонет во 2010 година во Лимбург за наводно отсекување на прстот на холандски криминалец со ножици. Тој бил ослободен поради недостиг на докази, но инцидентот наводно му го донел прекар, пренесува Гардијан.

‘Finger cutter’ drug lord arrested in Switzerland https://t.co/FtVmIByXGu

— The Guardian (@guardian) February 18, 2022

Преку бројни случаи, Бресерс е поврзан со нарко-банда која оперира во Антверпен, за која се верува дека шверцувала тони кокаин од Јужна Америка во Европа.

Тој беше на листата на најбарани во Белгија и Европол за киднапирање, незаконско задржување и земање заложници и учество во криминална организација.

Кристоф Аертс, портпарол на обвинителите во Антверпен, рече дека Бресерс бил поврзан со истраги во Антверпен, Западна Фландрија и Источна Фландрија.

„Сериозниот организиран криминал е вообичаена нишка овде. Тоа вклучува истраги за меѓународна трговија со дрога во која е извршено насилство“, додаде тој.

„Синоќа бегалецот беше уапсен во Швајцарија. Апсењето, кое го извршија специјалните единици и со помош на швајцарските политички сили, е резултат на интензивна потрага која траеше неколку месеци“, рече тој.

Експертите предупредија дека екстремното насилство на нарко-картелите кои работат во Мексико и Колумбија е увезено во Европа во последниве години.