Рафаел Надал во полуфиналето од Мастерсот во Париз е поразен од Александер Зверев со 6:4,7:5 и пропушти уште една шанса да се бори за титулата која му недостасува во трофејната колекција.

Надал елиминиран, Зверев и Медвевев за титулата во Париз

Шпанецот по поразот ги објасни причините поради кои никогаш не победил во салата „Берси“ каде се игра Мастерсот.

– Не постои никаква клетва или проклетство. Турнирот е тежок поради условите во кои се игра. Не е ненормално што не сум освоил еден турнир од серијата 1000. На Мастерсите учествуваат најдобрите тенисери. Како што и порано изјавив, оваа подлога е тешка. Сепак, оваа недела беше добра за мене, одиграв четири меча и тоа многу ќе ми значи за завршниот Мастерс. Ќе мора да подобрам некои работи во играта и се надевам дека ќе бидам максимално подготвен за Лондон – изјави Надал.

Завршниот Мастерс турнир на кој ќе настапат осумте најдобри тенисери оваа година ќе се игра во Лондон, а турнирот започнува на 15. ноември.