Според претседателот на Лекарската комора на Косово Плеурат Сејдију, бројот на лекари кои го напуштиле Косово во првите четири и пол месеци од годинава е поголем отколку во истиот период лани, пренесува РТК.

Како што наведува Сејдиу, 104 лекари за четири и пол месеци добиле документација за склучување договори во земјите од Европската унија.

Претседателот на Стопанската комора на Косово, Љуљзим Рафуна, посочува дека и бизнисмените се соочуваат со недостиг на работна сила поради миграцијата.

„Од првиот ден апелираме да се забрза реформата во образованието, да се поврзат квалификациите со барањата на пазарот на трудот“, рече Рафуна.

Претседателот на синдикатот на приватниот сектор, Јусуф Аземи, вели дека во последните осум години, една петтина од жителите на Косово заминале во странство.

„Најголемото игнорирање на косовските работници во приватниот сектор беше направено за време на пандемијата и по пандемијата“, рече Аземи.