На патници во воз во Австрија, наместо вообичаените железнички најави, им биле пуштани делови од говорот на Адолф Хитлер, пренесува Дер стандард“.

Национал-социјалистичките фрази како „Хајл Хитлер“ и „Зиг Хејл“ ги шокираа патниците, потврди портпаролот на железничкиот оператор „ОеББ“ по написот во весникот „Дер стандард“.

Тој рече дека истрагата утврдила оти двајца осомничени успеале да отклучат дел од вагонот во кој имало разглас, каде што потоа од мобилен телефон ги пуштале говорите на Хитлер.

„Сè беше пуштено многу гласно. Беше многу непријатно и вознемирувачко“, рече портпаролот.

Против двајцата осомничени, кои биле јасно идентификувани на камерите кога излегле од возот во Виена, почната е истрага. Не се знае како го добиле клучот, но исклучено е дека се работи за вработени во „ОеББ“.