Министерството за внатрешни работи, распиша меѓународна потерница по Шеваљ Муареми кој е водач на криминална група од Грчец која се занимава со недозволена трговија со дрога и убиства. Покрај Шеваљ, МВР распиша потерница и по седуммина членови на криминалната група „Дуќанџик“.

-МУАРЕМИ ШЕВАЉ татко Азби мајка Азбије род.18.11.1977 год. во Скопје, живее на ул„.5“ бр.1 с.Грчец општина Сарај. Се бара по распишана меѓународна потерница од ОЈО за ГОКК-Скопје со Наредба КО БР.15/24 од 30.01.2024 год .Лицето е под истрага за сторено кривично дело по чл.123 ст.2, чл.394 ст.3 и чл.215 ст.3 од КЗ на РСМ, пишува на сајтот на МВР.

Кон крајот на јануари, МВР изврши голема полициска акција во Грчец, Дуќанџик,Чаир и други локации при што шестмина беа уапсени и уште едно лице во Шпанија, но сепак не и водачот Шеваљ Муареми кој заминал во Дубаи со целото семејството веднаш по убиството на неговиот другар и исто така водач на групата Јетон Кривањева-Жила во Шиша бар во скопската стара чаршија.