Се со цел подобрување на хигиената на целата територија на Општина Аеродром, во изминатиот период бројот на сезонски работници ангажирани од оваа скопска општина е зголемен.

– Откако ја преземавме локалната власт, приоритет ставивме на чистотата знаејќи дека беше сектор кој најмногу беше запоставен претходните четири години во Општина Аеродром. Преку секојдневна координација направивме сè во наша моќ за Општината одново да го добие стариот сјај: Го зголемивме бројот на сезонски работници, ги покачивме нивните примања, им овозможивме подобри услови за работа на луѓето кои се грижат за нашата заедничка чистота. Освен изградбата на нови паркови кои наскоро ќе почнеме да ги реализираме, фокус ставаме и на редовното одржување на веќе постоечките паркови бидејќи само така Аеродром ќе биде зелена и чиста општина – истакна градоначалникот на Општина Аеродром Тимчо Муцунски.