Годинашното издание на најпрестижниот моден настан на светот – Мет гала ќе се одржи на 1 мај, а темата ќе биде во чест на германскиот моден творец Карл Лагерфелд, кој почина во 2019 година.

Главниот и одговорен уредник на модното списание „Вог“, Ана Винтур изјави дека идејата за оваа тема се родила уште во 2019 година, непосредно по смртта на модната легенда.

 

View this post on Instagram

 

A post shared by Met Gala (@themetgalaofficial)

Целосниот назив на изложбата, која ќе се биде поставена во музејот на уметноста „Метрополитен“, гласи: „Karl Lagerfeld: A Line of Beauty“. Инспирацијата за насловот доаѓа од теоријата за естетиката на Вилијам Хогарт од 1753 година, а изложбата ќе се фокусира на трансформацијата на 2Д скиците на Лагерфелд во 3Д облека.

 

View this post on Instagram

 

A post shared by Met Gala (@themetgalaofficial)

Во самиот музеј ќе бидат изложени повеќе од 150 креации на Карл Лагерфелд, со што ќе се опфати периодот на креативно насочување на модниот визионер во луксузните куќи „Клои“, „Фенди“ и „Шанел“.

Годинашната Мет гала ќе ја водат Дуа Липа, Пенелопе Круз, Роџер Федерер и Мајкл Коел.

 

View this post on Instagram

 

A post shared by 𝗗𝘂𝗮 𝗟𝗶𝗽𝗮 𝗚𝗮𝗿𝗱𝗲𝗻 (@dualipagarden)