Режимот на де факто фиксен девизен курс на денарот во однос на еврото е нешто што е корисно за земјата веќе неколку децении, претставувајќи клучно сидро на макроекономските политики. Знаеме дека НБРСМ останува силно посветена на одржување на стабилноста на девизниот курс.

Ова го истакна шефицата на мисијата на ММФ за нашата земја, Берглјот Бјорнсон Баркбу и резидентната претставничка на ММФ за Западен Балкан, Стефани Ебле.

Според нив, показателите што ги следи ММФ покажуваат дека земјата влезе во корона-кризата со силна позиција на девизните резерви и дека резервите ќе бидат одржувани на адекватно ниво што ја поддржува стабилноста на денарот.

-Народната банка имаше клучна улога во реагирањето на оваа криза. Таа успешно го искористи својот маневарски простор и ја поддржа економијата, истовремено зачувувајќи ја финансиската стабилност, констатираат Бјорнсон Баркбу и Ебле.

Според ММФ банкарскиот систем во земјава би можел да поднесе значителен макрофинансиски шок.