Милошоски за случајот „27 април“: ВМРО-ДПМНЕ не ги организираше протестите пред Собранието
Пратеникот на ВМРО-ДПМНЕ Антонио Милошски денеска во Кривичниот суд за случајот „27 април“ се појави како сведок. Според него, и сегашниот претседател на Собранието Талат Џафери морал на конститутивната седница морал да ја раздвои втората и третата точка поради тоа што не била избрана Комисијата за избори и именувања.
– Секогаш претседател на Собрание се бира на предлог на Комисијата за избори и именувања. Секој член на комисијата има право да предложи претседател на Собранието-објасни Милошоски .
Милошоски говореше дека не е можно да се прекине одредена точка додека не се исцрпат сите пријавени но секој пратеник има право да се откаже за што и тогашниот претседавач Вељаноски апелирал. Милошоски објасни и што се случувало при крајот на работниот ден на 27 април 2017 година.
– При крајот на денот претседавачот Вељаноски имаше состанок со координаторите на партиите по што донеле одлука седницата да трае до 18 часот и да продолжи следниот ден на 28 април. Нешто пред 18 часот Оливер Спасовски побара збор и рече дека има поддршка од десет пратеници и да се прејде на друга точка, но од Вељаноски добил објаснување дека тоа не е можно додека не се исцрпи бројот на пријавени – објасни Милошоски.
На прашање на обвинетиот Ристовски дали партијата на која и припаѓа ги организирала протестите пред Собранието, Милошоски рече дека немало таква одлука.
– Извршниот Комитет на партијата немаше одлука и организациски план за протестите, но им дававме морална подршка. Исто како што СДСМ немаше формална одлука но ги поддржуваше протестите на Шарената револуција – рече Милошоски.
Тој уште објасни дека на 27 април немал никакви контакти со Јанакиески и Ристовски.