Милевски: Ерменците беа дојдени да се бранат, ние имавме проблеми во транзиција
Македонската фудбалска А репрезентација одигра реми (0:0) против Ерменија денеска на Националната арена „Тодор Проески“ – Скопје во четвртиот настап од квалификациите за СП 2022.
Благоја Милевски дебитираше на клупата со освојување на еден бод, но повеќе значаен за Ерменците кои остануваат лидери во квалификациската група „Ј“.
– Им честитам на моите фудбалери кои покажаа како треба да се однесуваат кон националниот дрес. Првите 45 минути треба да ни бидат пример како да играме и во иднина. Во второто полувреме имавме контрола на топката, но недостасуваше тоа завршно додавање и реализација.
Зошто не успеавме во намерата да постигнеме гол, во следниот период ќе направиме анализа каде треба да се поправиме. Не беше лесно против Ерменците кои се добри организирани, дојдени да се бранат и ја остварија целта. Од наша страна имавме проблеми, особено во транзиција, но воглавно сум задоволен како изгледавме на теренот – вели селекторот на нашата сениорска селекција, Милевски.
Следниот петти меч во квалификациите Македонија ќе го има на 5 септември во Рејкјавик против Исланд.
„Сакавме победа, сакавме победа“, на крајот само бод против Ерменија