„Гугл“ се соочува со својата прва тужба поради функцијата „Прегледи на вештачката интелигенција“. Тужбата ја поднесе издавачката куќа Penske Media, која стои зад познати брендови како „Rolling Stone“, „Variety“ и „Billboard“. Penske тврди дека Google користи содржина од нивните страници без дозвола и надомест, со што директно му штети на нивниот бизнис.

Според тужбата, ВИ-прегледите на „Гугл“, кои веднаш даваат резиме на резултатите од пребарувањето, го намалуваат сообраќајот до страниците на издавачите и со тоа ги намалуваат нивните приходи од рекламирање и партнерски програми. Penske Media наведува дека до 20 проценти од пребарувањата на Google што претходно водеа до нивните страници сега се појавуваат во форма на AI прегледи- пишува Каматица.

– Нашите приходи од партнерски извори во текот на 2024 година се намалија за повеќе од една третина во споредба со врвот од претходните години – се наведува во тужбата. Ова претставува сериозна закана за дигиталните медиуми кои во голема мера се потпираат на кликови и посети за да генерираат приходи.

„Гугл“ шпионирал луѓе преку телефони, го казнија со 0,425% од ланскиот ќар

„Гугл“ ги негира овие обвинувања. Портпаролот на компанијата, Хозе Кастанеда, истакна дека Google ќе „се брани од овие неосновани тврдења“ и дека функцијата „Прегледи на вештачката интелигенција“ всушност придонесува за поголем број извори. Компанијата тврди дека посетите на страницата не се намалуваат, туку се прераспределуваат.

Сепак, многу издавачи не се согласуваат со овој став, тврдејќи дека нема причина корисникот да кликне на оригиналната страница ако веќе ги добил сите одговори во резултатите од „Гугл“.

Ова не е изолиран случај. Порано оваа година, Чег поднесе слична тужба, а кон крајот на 2023 година, Њујорк Тајмс го тужеше OpenAI, тврдејќи дека нивните статии биле користени за обука на модели на вештачка интелигенција без дозвола. Во меѓувреме, Anthropic се согласи на спогодба за слични обвиненија.

Тужбата на „Пенске Медиа“, во која се вклучени големи брендови од музичката и филмската индустрија, би можела да постави преседан што ќе го обликува идниот однос меѓу технолошките компании и медиумската индустрија, со оглед на растечкиот конфликт меѓу технолошките иновации и авторските права.

Во нова реклама за телефони, Гугл му се потсмева на Епл