Мбапе му се закани на ПСЖ: Или прифатете ги парите на Реал или идната година си одам на нула евра
Напаѓачот на ПСЖ, Килијан Мбапе денеска уште еднаш повтори дека негова единствена желба е да го облече дресот на Реал Мадрид.
„Кралскиот клуб“ денеска достави нова понуда до ПСЖ за Мбапе во висина од 170 милиони евра, но таа беше експресно одбиена од „светците“.
– Бев многу, многу јасен. Ставот на клубот исто така е јасен. Нема да го менуваме ниту да го повторуваме – изјави претседателот на ПСЖ, Насер Ал-Келаифи.
Но, познатиот италијански новинар Фабрицио Романо смета дека Мбапе најверојато до крајот на преодниот рок ќе потпише за Реал Мадрид, а ПСЖ притоа нема да ги добие посакуваните 220 милиони евра.
Kylian Mbappé has been so clear again today with people close to him: he only wants to join Real Madrid. This summer if PSG will find an agreement with Real, next summer if not. He only dreams of Real Madrid. ⚪️🇫🇷 #RealMadrid #Mbappé
…and his PSG teammates also know his desire.
— Fabrizio Romano (@FabrizioRomano) August 26, 2021
Романо пренесува дека Килијан Мбапе дека денеска имал средба со челниците на ПСЖ на која јасно им ставил до знаење дека не размислува да го продолжи договори и дека единствена желба му е да го облече дресот на Реал Мадрид. Мбапе дури им порачал на челните луѓе на ПСЖ доколку не ја прифатат понудата на Реал Мадрид, тогаш ќе ја одработи оваа сезона и наредната како слободен играч ќе се пресели на „Сантијаго Бернабеу“.
Според извори блиски до управата на Реал Мадрид, Романо вели денешната понуда од 170 милиони евра плус 10 милиони во дополнителни бонуси, нема да се зголемува.