Маж фрлил две туристки во провалија во Германија
Една од двете туристи нападнати од непознат маж во близина на замокот Нојшванштајн во јужна Германија им подлегна на повредите, објавија локалните медиуми во четвртокот, повикувајќи се на канцеларијата на државниот јавен обвинител.
21-годишната девојка починала во текот на ноќта во болница, а нејзината 22-годишна придружничка била задржана во болница поради сериозни повреди, јави јавната телевизија БР, повикувајќи се на информации од портпаролот на државниот обвинител во Кемптен.
Тој рече дека осомничениот е уапсен, но од државното обвинителство сѐ уште не се изјасниле за апсењето.
БР го пренесува извештајот на обвинителите кои рекле дека девојките налетале на маж на мостот Марија од кој се гледа прекрасен поглед на светски познатиот замок.
ТВ БР јавува дека физичкиот конфликт започнал кога маж сексуално ја нападнал 21-годишната жена.
Кога пријателката се обидела да и помогне, мажот ја фатил за врат и ја фрлил во провалија длабока 50 метри под мостот, а после тоа почнал да ја дави 21-годишната девојка и ја турнал преку мостот.
Осомничениот бил приведен во средата попладне по голема полициска акција и пренесен во полициската станица во блискиот Фусен.