Кандидатот за градоначалник на Град Скопје поддржан од платформата „Независни заедно“, Горан Марковски денеска го претстави неговиот план за Водно, за каде меѓу другото најави забрана за сообраќај до Средно Водно во текот на викендите освен на електрични автобуси и изградба на велосипедска патека.

Марковски вели дека Водно е вистинскиот потенцијал за Скопје, а планот кој тој го има опфаќа сет на мерки и политики кои дополнително би го заштитиле ова место и би овозможиле повеќе рекреација за граѓаните.

Исто така, еден од проектите кои ги најавува е продолжување на жичницата, како и изведба на јавни тоалети и дополнително најави и станица за прва помош на Средно Водно.