Маричиќ: Соработката со САД е солиден темел за исполнување на европската агенда
Системот на рестриктивни мерки на САД за санкционирање на корумпирани политичари на Западниот Балкан е од исклучително значење за борба против корупцијата, порача првиот вицепремиер задолжен за европски прашања Бојан Маричиќ.
Тој во рамки на посетата на САД денеска учествувал на панел дискусијата на тема „EU-US Relations: Building Collective Security in a Shifting World, Односи ЕУ-САД: Градење колективна безбедност во свет кој се менува“ и ја истакнал соработката со САД со стратегијата за поддршка на Западен Балкан базирана на три принципи – јасна агенда, силна поддршка и константно присуство.
– Северна Македонија има воспоставено стратешки дијалог со САД, посебни форми на соработка, каде што системот на рестриктивни мерки на САД за санкционирање на корумпирани политичари на Западниот Балкан е од исклучително значење за борба против корупцијата, и ќе помогне во регулирање и реформирање на системот на патот кон ЕУ. Решавањето на предизвиците како што се корупцијата и промовирањето на интеграцијата се од суштинско значење за постигнување на оваа цел – посочил Маричиќ.
Тој истакнал дека зајакнувањето на партнерствата во рамките на Западен Балкан и со сојузниците во НАТО е „од клучно значење за унапредување на заедничките цели и справување со заедничките предизвици“.