Малтретирање, ќотек и закани со нож добила 30-годишна скопјанка од својот сопруг
Насилството врз жените секојдневно го полни билтенот на МВР. Денеска полицијата информира дека вчера жена на возраст од 30 години го пријавила својот десет години постар сопруг дека ја малтретирал, тепал и и’ се заканувал со нож.
Во СВР Скопје, вчера во 12 часот, жената пријавила дека во домот на подрачјето на Центар физички ја нападнал нејзиниот сопруг А.В.(40) од Скопје.
Полицијата презема мерки за расчистување на случајот.
Деновиве имаше убиство во Кочани, каде маж со 42 убоди усмрти 46 годишна жена. Претходно, летово во Куманово, маж изврши двојно убиство и самоубиство. Тој ги уби сопругата и нејзината мајка, а потоа се самоуби. За двајцата насилници претходно имало пријави во полиција. Од Платформата за родова еднаквост го вклучија алармот, надлежните да си превземат мерки бидејќи сериозно се зачестени пријавите за насилство врз жени и бараат одговорност за фемицидите.