Претседателот на Белорусија ,Александар Лукашенко смета дека протестите во таа земја ги организирале САД кои, како што тврди, работат преку центри во Полска и во Чешка, како и класата „ситна буржоазија” што се појави во земјата, вели новинарот на „Русија 1“, Евгениј Рожков кој правел интервју со шефот на белоруската држава.

Рожков рече дека таков бил ставот на претседателот на Белорусија на прашањето кој е заинтересиран за поддршка на протестното движење и „од која страна очекувал и сè уште очекува да се јават проблеми”.

Според него, Лукашенко „верува дека, пред сè, Американците стојат зад сè и дека дејствуваат низ центрите во Полска и Чешка”, но исто така верува дека има и внатрешни причини, пренесува агенцијата ТАСС.

– Една од причините е фактот дека две нови генерации пораснаа во Белорусија, формирајќи класа на мала „буржоазија „која сака моќ”, рече Рожков, потенцирајќи дека тоа се зборови на Лукашенко.