Фудбалерите на Лидс славеа како гости со 2:3 против Вулверхемптон иако до 60. минута губеа со 2:0 во рамки на 30. коло во Премиер лигата.

Херој на Лидс е Лук Ејлинг кој победничкиот гол го постигна во првата минута од судиското продолжение. Со новите три бода, Лидс „избега“ седум бода (29 бода) од опасната зона на испаѓање, додека Вулверхемптон остана осми со 46 бода.

Вукверхентон по првото полувреме имаше водство од 2:0 со головите на Џони во 26. и на Тринкао во судиското продолжение. Но, исклучувањето на Раул Хименес во 53. минута беше најава за големиот пресврт.

Предноста од играч повеќе, фудбалерите на Лидс ја искористија да дадат два гола за само три минути преку Џек Харисон во 63. и на Родри во 66. минута. По израмнувањето, играчите на Лидс продолжија со офанзивната игра, буквално се играше викторија пред голот на Са и тоа на крајот им се исплатеше.

На стартот од судиското продолжение, одбиерната топка дојде до Ејлинг кој од десетина метри ја смести во мрежата и на Лидс му донесе важни поени во борбата за опстанок во Премиер лигата.