Можно е Килијан Мбапе да не настапи за ПСЖ во првите 90 минути од осминафиналето во Лигата на шампионите против Баерн Минхен поради повреда на бутниот мускул, пренесува „Л`Екип“.

Францускиот репрезентативец се повреди во средата на натпреварот од 21 коло во шампионатот против Монпелје.

Ја напушти играта во 21 минута, а по лекарските прегледи беше утврдено дека еден од најдобрите фудбалери на париските „светци“ ќе биде надвор од терените најмалку три недели.

Се очекува да ги пропушти натпреварите против Тулуз и Монако во „Лига 1“, како и мечот со Олимпик од Марсеј во Купот на Франција.

Првиот натпревар од осминафиналето во ЛШ помеѓу ПСЖ и Баерн ќе се одигра на 14 февруари во Париз и неизвесно е дали на истиот ќе настапи Мбапе. Реваншот од овој двомеч ќе се игра на 8 март во Минхен.