Се одигра и второто полуфинале на Фајнал-фор турнирот во Лигата на шампионите, во Келн екипата на Барселона со резултат 31:26 го совлада Нант.

Најефикасен во шпанскиот состав беа Гомез и Мем со по пет голови, а за францускиот претставник шест погодоци реализираше Ривера.

Македонскиот репрезентативец Кирил Лазаров во поразениот тим двапати се запиша во листата на стрелците.

В недела од 15.15 часот за третото место на турнирот ќе играат Нант во француската пресметка ќе се соочи со ПСЖ кој претходно изненадувачки беше елиминиран од Алборг.

Барса која ќе атакува на својата 10 титула во ЛШ во финалето (18.00 часот) ќе ја има фаворитската улога против данскиот Алборг.

Последен пат Каталонците го освоија ова натпреварување во 2015 година.