Џеф Безос и Лорен Санчез се принудени да го сменат гламурозното место за свадбата во Венеција поради протестите и тензиите меѓу САД и Иран.

Луксузната свадба на Џеф и Лорен во Венеција, проценета на 48 милиони долари, предизвика бројни контроверзии, а поради зголемените тензии и протестите, двојката беше принудена да смени една од локациите за прославата во последен момент, објавуваат италијанските медиуми, пренесува „Дејли мејл“.

Најновата вест е дека забавата што требаше да се одржи во сабота навечер во историскиот дворец Скуола Гранде дела Мисерикордија е преместена во населбата Арсенале, каде што пристапот е полесен за контрола поради очекуваните протести.

Според весникот „Ил Газетино“, организаторите не ја игнорирале пошироката геополитичка ситуација, особено тензиите меѓу САД и Иран, со оглед на близината на големата американска воена база во Авијано, на само 80 километри од Венеција.

За да е сигурен дека сè ќе помине без инциденти, Безос ангажирал и поранешни американски маринци кои ќе бидат задолжени за безбедноста за тридневната свадба, која започнува на 26 јуни.

Исто така, беше одржан и посебен состанок на локалните власти, полицијата и приватното обезбедување за да се процени безбедносната состојба. Фокусот е првенствено на протестите, кои се најавуваат со денови како одговор на фактот дека милијардерот практично го изнајми овој историски град за сопствена корист.

Како Џеф Безос ќе го заштити богатството од 220 милијарди долари? Армија адвокати со месеци работат на предбрачниот договор