Левица: На Муцунски како да му е страв да ги извади „метларките“ на улица
Општина Аеродром никогаш не била понечиста, па во урбаниот дел на општината, на паркинзите и пред зградите, плочници се валкани, а тротоарите неисчистени, велат од Левица Аеродром.
– Предходниот градоначалник од редовите на СДСМ, Златко Марин, потроши речиси 500 000 евра за набавка на таканаречените „метларки” од фирмата „Брако” на Анѓушев (блиска до СДСМ), а истите воопшто не се користат. Неговиот наследник од ВМРО-ДПМНЕ, Тимчо Муцунски, секоја година од општинскиот буџет издвојува по 10 000 евра за нивно сервисирање, но како да му е страв да ги извади на терен – соопштуваат од партијата.
Оттаму прашуваат дали зад оваа негрижа околу чистењето на јавните површини повторно се крие некаков договор со надворешна фирма, како што е случајот за ангажирање на фирма за уредување на зелените површини, со цел, како што тврдат, да се „испумпаат пари“ од Општина Аеродром.