Леонардо Дикаприо има нова работа
Актерот Леонардо Дикаприо пред 16 години глумеше во филмот „Крвавиот дијамант“ и тогаш лично искуси колку всушност е тежок животот на луѓето во Африка.
Имено, актерот го играше трговецот со луѓе кои се поврзани со „валканите“ работи околу продажбата и криумчарењето на дијаманти во Сиера Леоне. Оттогаш Дикаприо е познат како тврдокорен активист против ископувањето на дијаманти, бидејќи бил згрозен од шверцот на дијаманти од Африка, како и од условите на полуостровот, измачувањето на луѓето, финансирањето на вооружените судири и сл. Една деценија по улогата во филмот тој инвестираше во Ливница на дијаманти.
Тој веќе ја има компанијата во САД под називот „Diamond Foundry“, но сега компанијата сака да се прошири и на пазарот во Европа, па така тој отвара нова подружница во Шпанија, која е многу погодна за новата работа на актерот бидејќи е сончева и топла земја.
Иако „Diamond Foundry“ досега произведуваше синтетички дијаманти за накит за брендот „Ektremadurans“, сепак новото производство ќе биде за индустриска употреба. Таму ќе се изработуваат дијамантски кристални чипови и ќе се користат како полупроводници за автомобили, со што ќе се овозможи подобрување во областа на електрониката и високата технологија, особено за 5Г мрежата и електричните автомобили, поради своите уникатни својства на тврдост и топлотна спроводливост.
„Дикаприо дијамант“ би можело да биде одлична алтернатива за микрочиповите кои ни се познати, а кои денес се ретки и многу барани, а се прават од силициум.