Лејкерс го потврдија доаѓањето на Шрудер
Денис Шрудер и официјално стана член на НБА шампионот, Лос Анџелес Лејкерс.
Германскиот кошаркар во редовите на Лејкерси доаѓа од Оклахома сити тандерс откако двата тима се договорија за размената. Шрудер им се приклучи на Леброн Џејмс и Ентони Дејвис, а во обратна насока заминаа Дени Грин и Џејден Мекданиелс.
Something special to end your #WallpaperWednesday ??? pic.twitter.com/3pyDs09NpY
— Los Angeles Lakers (@Lakers) November 19, 2020
Одличниот бек треба да претставува нов дел од сложувалката на Лејкерси кои почнаа да создаваат нов тим кој ќе се обиде да ја одбрани титулата. Исто така Шрудер треба да претставува замена и за одличниот Ражон Рондо кој одлучи да си замине.
Денис Шрудер минатата сезона имаше просек од 18.9 поени по натпревар за Оклахома сити иако не беше дел од првата петорка.
Пред Оклахома, тој пет сезони го носеше дресот на Атланта хоукс.