Легендарниот Кафу ја продава луксузната вила поради финансиски проблеми
Легендарниот бразилски фудбалер Кафу одлучи да ја стави на продажба својата луксузна вила во Сао Паоло.
Прославениот Бразилец се одлучи на ваков потег поради финансиските проблеми со кој се соочи, меѓу кои се и обврските кон државата. Јужноамериканските медиуми пренесуваат дека славниот фудбалер влегол во големи долгови кои изнесуваат околу 1.8 милиони евра.
Проблемите за Кафу започнале уште пред пет години кога беше утврдено дека затајувал данок. Вилата на Кафу се продава по ццена од 7.4 милиони евра и таа е на четири ката во склоп со 2.500 метри квадратни простор. Опремена е со четири луксузни апартмани, кино, игротека и сауна. Исто така дворот е полн со зеленило и со базен, меѓутоа има и мал фудбалски терен.
Cafu è nei guai: l’ex Roma e Milan oggi è sommerso dei debiti e a rischio bancarotta https://t.co/oUNS3cFYUE
— TUTTOmercatoWEB (@TuttoMercatoWeb) March 25, 2024
За Кафу постои опасност цената на вилата да се намали. Наводно, агенти за недвижност му дале одреден временски период и доколку некој не се јави до 4. април, цената на вилата ќе се преполови.
Во текот на богатата кариера Кафу беше член на Сао Паоло, Сарагоса, Палмеирас, Рома и Милан. По завршувањето на кариерата не продолжи како тренер, туку најчесто беше гостин во бројни земји како амбасадор и добиваше пари од спонзори, сепак тоа очигледно не било доволно да се опорави.