Легендарниот Елтон Џон денес слави роденден: Неговиот партнер сподели емотивна објава
Сер Елтон Џон денеска го слави својот 75-ти роденден.
Прославениот музичар, чија кариера трае од објавувањето на неговото деби „Empty Sky“ во 1969 година, уште на 11-годишна возраст добил стипендија за Кралската музичка академија.
Импресивната кариера на Елтон Џон процвета кога почна да соработува со текстописецот Берни Таупин во 1967 година.
Реџиналд Кенет Двајт, како што е неговото вистинско име, е роден на 25 март 1947 година во англискиот град Пинер, а според бројот на песни кои го зазедоа првото место на американските музички топ листи, пред него е само легендарниот Елвис Присли.
Елтон Џон пред неколку месеци доби високо одликување што пред него го добиле само 65 лица. Оваа ретка кралска одлика му ја додели лично Принцот Чарлс на церемонија во замокот Виндзор.
Еден од најпродаваните уметници на сите времиња, со хитови како „Goodbye Yellow Brick Road“, „Rocket Man“ and „Your Song“, беше прогласен за витез од кралицата Елизабета Втора во 1998 година.
Неуморниот музичар е среќно оженет со Дејвид Фурниш.
„Споделувам момент на создавање… Да го прославиме создавањето на Елтон Херкулес Џон. Пред 75 години на денешен ден пристигна на оваа планета. Не можам да го замислам мојот живот или светот без овој славен, прекрасен, љубезен, грижлив, убав човек. Спектакуларен сопруг и длабоко посветен татко. Среќен 75-ти роденден мил мој. Те сакам. Секогаш и засекогаш“, напиша Дејвид во описот на фотографијата која ја сподели на неговиот инстаграм-профил по повод роденденот на неговиот сакан.
View this post on Instagram
Елтон и Дејвид се горди татковци на два сина, Захари и Елија кои се родени од сурогат мајка. Кума на двете момчиња е Лејди Гага.
„Да се биде татко е мојот најголем успех и тоа е најважното нешто во мојот живот“, изјави во една прилика славниот пејач.
Покрај Елтон Џон, на денешен ден е родена и кралицата на соул музиката Арета Френклин, добитничка на дури 18 Греми.
