Лажен аларм го испразни Сенатот во САД, немало „вооружен напаѓач“
Американската полицијата не идентификуваше напаѓач и никој не е повреден по извештаите за можен вооружен напаѓач во комплексот на Сенатот во средата, изјави портпаролот на метрополитен полицискиот оддел на Вашингтон, Хју Керју.
„Имаше повик за вооружено лице. Изгледа ова е погрешен повик. Немаше повредени, а напаѓачот не беше идентификуван“, изјави Керју.
Претходно, полицијата на Капитол објави на Твитер дека оние кои се во зградата на Сенатот „треба да бараат засолниште “ поради пријава за вооружен маж.
Според Фокс њуз, евакуирана е зграда на Сенатот. Полицијата соопшти дека примиле „вознемирувачки“ телефонски повик на 911 и побарале од јавноста да ја избегнува областа.
Our officers are searching in and around the Senate Office Buildings in response to a concerning 911 call. Please stay away from the area as we are still investigating. We will continue to communicate with the public here. pic.twitter.com/vqCY0I7u8m
— The U.S. Capitol Police (@CapitolPolice) August 2, 2023