Денеска во рамките од третото коло од групната фаза на ЕХФ купот во дербито на „Ц“ групата Нант пред своите навивачи загуби од Магдебург со 28:31.

Во „македонското дерби“ славеше Филип Кузмановски кој за германската екипа реализираше три голови (3/5), а во францускиот тим Кирил Лазаров беше прв стрелец со шест погодоци (6/12).

На табелата води Магдебург со максимални шест бодови, два повеќе од Нант, следуваат Горење (два) и Адемар без бодови.

Да додадеме уште дека во 13. коло од Лигата на шампионите екипата на Веспрем на домашен терен триумфираше над Монпеље со 24:23.

Придонес во победата на унгарскиот првак имаше нашиот лево репрезентативно крило Дејан Манасков со еден погодок (1/2).

Потсетување дека во последното 14. коло од групата „Б“ во ЛШ, Монпеље му гостува на Вардар на 29 февруари.