Лазаров ги собра ракометарите, репрезентацијата има нов тренер на голманите
Македонската ракометна репрезентација денес ги започна подготовките за двата контролни натпревари против Грција.
Репрезентацијата на овој прв собир е во малку изменет состав. Исто така по подолго време во стручниот штаб ќе има интернационалец. На местото на Ице Соколески со голманите ќе работи Хрватот, Нино Палевиќ.
Но, не се случи враќањето на Стојанче Стоилов кој би бил голема поддршка за ракометарите.
„Местото на Ице Соколески ќе го пополни Нино Палевиќ. Станува збор за познат хрватски експерт кој му беше помошник на Хорват. Столе Стоилов секогаш има отворена врата во репрезентацијата кога и да посака. Разговаравме има обврски кон Вардар. Секогаш допринесувал, допринесува и ќе помага во репрезентацијата. Нашиот однос е одличен“, изјави Лазаров.
Последниот натпревар за репрезентацијата Стоилов го одигра минатата година во април, додека од оваа не е ниту играч во Вардар каде што е дел од стручниот штаб на тренерот Владо Недановски.
Лазаров го објави списокот со повикани ракометари за ЕХФ неделата и тест мечевите со Грција