„Лауреус“ ги објави номинациите за најдобри спортисти во 2022 година
Фудбалерот на ПСЖ, Аргентинецот Лионел Меси, шведскиот атлетичар Арман Дуплантис, фудбалерот на ПСЖ, Французинот Килијан Мбапе, светскиот шампион во Ф1, Холанѓанецот Макс Ферстапен, шпанскиот тенисер Рафаел Надал и американскиот кошаркар на Голден Стејт вориорс, Стеф Кари се меѓу номинираните за престижната награда „Лауреус“, признание за најдобар спортист во 2022 година.
Во женска конкуренција номинирани се: најдобрата светска тенисерка од Полска, Ига Швјонтек, американската пливачка Кејти Ледеки, американската скијачка Микаела Шифрин, шпанската фудбалерка Алексија Путелас, американската атлетичарка Сидни Меклафлин-Леврон и атлетичарката од Јамајка Шели-Ен Фрејзер-Прајс.
Кандидати за најдобар тим се: Фудбалската репрезентација на Аргентина, фудбалерите на Реал Мадрид, шампионот во кошаркарската НБА лига, Голден Стејт вориорс, женската фудбалска репрезентација на Англија, францускиот рагби тим, како и тимот на Ред Бул во Ф1 шампионатот.
Кандидати за откритието на годината се мароканската фудбалска репрезентација, шпанскиот тенисер Карлос Алкараз, казахстанската тенисерка Елена Рибакина, американскиот лизгач Нејтан Чен, американскиот голфер Скоти Шефлер и нигериската атлетичарка Тоби Амусан.
Наградите Лауреус ќе бидат доделени во април годинава.
👀 Take a look at the full list of Nominees for the Laureus World Sports Awards 2023.
🏆 Who should the Laureus World Sports Academy Members select as the final Award winners?#Laureus23 pic.twitter.com/lwWLD2evo8
— Laureus (@LaureusSport) February 20, 2023