Контроверзниот Џиџи Бекали не дозволува да играат вакцинирани фудбалери
Џиџи Бекали, сопственикот на романската фудбалска екипа ФЦСБ (или поранешна Стеауа), повторно го привлече вниманието со еден од своите потези.
Тој за медиумите во Романија изјави дека ќе им забрани на своите вакцинирани играчи да играат. Според него, причината е „што немаат сила“.
И додека во повеќето земји се води кампања за масовна вакцинација против ковид-19, Бекали очигледно утврди дека имунизацијата води до негативни ефекти врз фудбалерите.
ФЦСБ моментно е на второто место на табелата во романскиот шампионат со 59 бодови, осум помалку од актуелниот шампион Клуж.
Останува да видиме дали Бекали ќе ги спроведе своите зборови на дело.
BREAKING: FCSB owner Gigi Becali says he is not allowing vaccinated players to play anymore because they are "powerless".
— Emanuel Roşu (@Emishor) February 23, 2022