Екипата на Работнички по пауза од еден месец конечно ја почувствува сласта на победата откако со 2:0 славеше над Македонија ЃП. Со оваа победа, тимот од Дебар Маало по 34. коло во македонската прва лига, дојде на делба на петтата позиција со 43 бодови, само еден бод помалку од четвртиот Шкупи.

Токму четвртото место носи пласман во квалификациите за Лигата на Европа, но на „романтичарите“ им виси и опстанокот во првата лига, оти имаат само два бода повеќе од Силекс кој е осми и таа позиција носи место во баражот за опстанок.

Покрај екипата на Работнички и останатите екипи кои се борат за опстанок не доживаја пораз. Силекс со 1:0 го совлада Вардар, додека Беласица ремизира на гостувањето кај Шкупи играјќи 2:2.

Резултати 34. коло:
Работнички – Македонија ЃП 2:0
Победа – Шкендија 1:4
Ренова – Академија Пандев 1:1
Силекс – Вардар 1:0
Шкупи – Беласица 2:2

Табела
1. Шкендија 76
2. Вардар 60
3. Академија Пандев 57
4. Шкупи 44
5. Ренова 43
6. Работнички 43
7. Македонија ЃП 41
8. Силекс 41
9. Беласица 38
10. Победа 23