Кандидатот за градоначалник на Општина Сарај, од редовите на Коалицијата Алијанса за Албаниците – Алтернатива, Ќерим Мамути, на последниот митинг во Сарај, изјави дека неговата кандидатура е „со единствена цел за запирање на рекетот од страна на органите на општината со месечни фактури од 5 евра за канализација финансирана од граѓаните на Сарај”.

– Жителите на Сарај се соочуваат со недостаток на вода за пиење, без канализација, уништени патишта и отпад фрлен насекаде на територијата на Сарај. Нашата и мојата цел како кандидат на општина Сарај во 4-годишниот мандат, не е само желба да се натпреваруваме за да се прогласиме себеси или нашиот заеднички тим, туку нашата намера е јасна, грижата за лошото владеење 12 години од ДУИ, изјави Мамути.

– Угнетувањето, кражбата и рекетот направен врз граѓаните на Сарај и неговата околина, узурпацијата на општинскиот имот од страна на активистите на ДУИ, продажбата и уништувањето на езерото Треска, имотот, викендичките, железото и се што постои таму, додека беше финансирано од самите граѓани на Сарај, рече Мамути.

Дел од овој митинг беше и претседателот на Алијанса за Албанците, Зијадин Села, кој пред присутните граѓани нагласи дека Ќерим е искрен, вреден и сериозен.

– Повеќе од сите овие што ги споменав, тој го сака Сарај, ја сака својата татковина, ја сака иднината на Сарај и сака да ја изгради иднината на Албанците во Сарај за тие да уживаат во тоа. Навистина е апсурдно кога ги слушаме нашите опоненти како излегуваат сега пред изборите и велат дека ќе ја решат сиромаштијата, која не беше создадена за еден ден, туку беше создадена во одреден временски период, а членовите на осиромашувањето на ова население се тие кои ја држат власта од 20 години, рече Села.

Извор: МИА