Соединетите Американски Држави и Јужна Кореја ги одложија заедничките воени вежби, истакнувајќи дека со тој чекор сакаат да му да импулс на дијалогот со Северна Кореја. Но, земјата на Ким Јонг-ун не го направи истото, па минатата недела тие изведоа, според пишувањата на локалните медиуми, вкупно две воени вежби во кои учествувале воздушните сили и противвоздушната одбрана.

Денес севернокорејската службена државна новинска агенција КЦНА објави дека вежбите биле изведени ненадејно, како и дека на истите им сведочел и лидерот на Северна Кореја, Ким Јонг-ун. Исто така, покрај податоците објавена е и фотографија од него со пилотите на севернокорејските воздушни сили.

– Ненадејните воени вежби се од голема важност, мораме константно да ја унапредуваме нашата воена подготвеност – порачал Ким во говорот пред воените единици.

Во исто време, американскиот претседател ги коментираше односите на САД и Северна Кореја. Американскиот лидер Доналд Трам вчера испрати порака за Ким, во која бара брзо да се делува за да се постигне договор.

– Мораме брзо да делуваме за да постигнеме договор. Се гледаме наскоро! – беше пораката на Трамп.