Кејт Винслет донирала 17 илјади фунти на самохрана мајка која се бори за својата болна ќерка

Фото: EPA/CHRISTOPHE PETIT TESSON

Актерката Кејт Винслет ѝ донирала 17.000 фунти на мајка која се соочува со огромна сметка за електрична енергија поради медицинските помагала кои ја одржуваат нејзината ќерка во живот.

Советот на Клакманашир пишува за Би-Би-Си, дека ја предупредиле Каролин Хантер дека нејзината сметка за струја и гас следната година би можела да ја достигне оваа огромна сума. Нејзината ќерка Фреја (12) има тешка церебрална парализа и се потпира на кислород за хронични проблеми со дишењето.

Фото: Принтскрин – gofundme

Хантер сега е во неверување и воодушевена кога ѕвездата од „Титаник“ интервенирала откако го слушнала извештајот на Би-Би-Си за нивната борба.

Винслет, донирала 17 илјади фунти на семејната страница „GoFundMe“ и ја контактирала 49-годишната мајка за да им посака сѐ најдобро.

„Нашето патување како семејство беше многу трауматично и едноставно се чувствував како да сум на работ. Кога слушнав за парите, само плачев – мислев дека не е реално. Сè уште размислувам дали ова е реално?“, изјавила Каролин Хантер. .

Семејството Хантер живее во куќа во Тиликултри, зграда која не е енергетски ефикасна, но има доволно простор за опремата на Фреја. Тие во моментов плаќаат околу 6.500 фунти годишно за да работи опремата и да ја загреат куќата – иако Хантер рекла дека го исклучила греењето во повеќето соби за да заштеди пари. Таа работи со полно работно време со умерена плата, па не ја добива истата поддршка како оние со ниски примања. Таа е исто така загрижена дека евентуалните зимски прекини во случај на намалено снабдување со гас може да ја загрозат грижата за Фреја.

Покрај церебралната парализа, Фреја се потпира на кислород поради проблеми со дишењето – особено ноќе. На семејството му е потребна помош од најмалку две медицински сестри, кои го следат отчукувањата на срцето и нивото на кислород на Фреја и вршат чести вшмукување за да ги одржуваат нејзините дишни патишта чисти. Во изминатите неколку месеци, собата на Фреја беше единствената што се загревала за неа и нејзиниот персонал да им биде удобно, но г-ѓа Хантер вели дека и таму морале да заштедат .

„Сè уште мрзнеме и уште не сме ни во минус. Ги молам вработените да не го вклучуваат парното ако не е потребно. Советот постави соларни панели за да помогне при прекин на струја, но не верувам дека ќе помогнат со сметката“, изјавила загрижената мајка.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот