Холивудските русокоси Кејт Хадсон и Гвинет Палтроу со своите последни изјави разочараа милиони жени ширум светот, откривајќи дека некои од нивните машки колеги се навистина лоши љубовници на филмското платно. Бакнежите што ги разменија за некои филмските улоги биле толку разочарувачки за нив што останале врежани во нивната меморија.

Тие се пријателки со многу заеднички работи – успешна филмска кариера, славни мајки и просперитетни лични брендови.

Гвинет Палтроу (48) и Кејт Хадсон (41) се забавуваа присетувајќи се на некои од главните машки протагонисти со кои глумеле, а ова се случуваше за време на поткастот „Гуп“ на Гвинет во вторникот.

Кога Палтроу ја праша sвездата на „Војна на невести“, кој е нејзиниот најдобар бакнувач на екранот, Хадсон, наместо тоа, се присети на најлошиот.

„Искрено, чувствувам дека не сум ги имала најдобрите бакнувачи, рече Кејт. Требаше да имам подобри“.

И веднаш потоа го спомна Метју Меконахи, со кого глумеше и во Fool’s Gold во 2008 година и во How To Lose A Guy In 10 Days („Како да се изгубиш момче за 10 дена“) во 2003 година.

„Секојпат кога го бакнував Меконахи, изгледаше како нешто да се случува, како да има некој ветер“, кажа Хадсон.

Гвинет, од своја страна, се прашуваше дали бакнежот со некој актер со кој си работел многупати се чувствувал повеќе како братска енергија, како што таа чувствувала за колегата од „Марвел“, актерот Роберт Дауни Јуниор.

„Кога го бакнав Роберт, си реков: Ова е буквално како да го бакнувам брат ми“, се присети Палтроу.