КАРАМАНЛИС прифатил двојна формула, а МАКЕДОНИЈА да го задржи уставното име за внатрешна употреба
Можела ли Македонија да го реши спорот со Грција без промена на уставното име?
Ова прашање се отвори по објавата на писмото кое во 2005. година, тогашниот грчки премиер Костас Караманлис му го испратил на американскиот претседател Џорџ Буш, а во кое изразува подготвеност неговата влада да ја прифати двојната формула, а Македонија да го задржи уставното име за внатрешна употребна без било какви уставни измени пренесува Канал 5.
Писмото го објавија од СИРИЗА само неколку денови пред парламентарни избори во Грција, а целта според нив е реално да се покаже хипокризијата на Мицотакис и обвинувањата на Нова Демократија дека Ципрас го „продал“ името Македонија.
Караманлис му пишал на Буш и дека тие нема да го спорат терминот „македонски“ а јазикот воопшто немало да биде дел од договорот, кој би се направил врз основа на тогашен предлог на медијаторот Нимиц. За писмото бил запознаен и тогашниот македонски премиер Владо Бучковски, а за содржината на истото разговарал директно со Буш во Белата Куќа.