Канада вети нова воена помош за Украина

Џастин Трудо
Џастин Трудо / Фото: EPA-EFE/OLIVIER HOSLET

Канадскиот премиер Џастин Трудо денеска најави дополнителна воена помош за Украина во војната со Русија, јавија американските медиуми, пренесе Бета.

Новата воена помош вклучува 21.000 јуришни пушки, 38 митралези и повеќе од 2,4 милиона парчиња муниција.

Трудо веста ја соопшти на прес-конференција по средбата со украинскиот премиер Денис Шмихал во Торонто.

-Се подготвуваме за контраофанзива. Ни треба повеќе муниција, ни треба повеќе оружје, ни треба повеќе воена опрема, рече Шмихал.

Шмихал и се заблагодари на Канада за милијардите долари економска и воена помош од почетокот на руската инвазија врз неговата земја од 24 февруари 2022 година.

Трудо кажа дека Канада воведува нови санкции против руските и белоруските власти и организации.

-Украина се бори за вредностите и принципите што се во основата на сите наши демократии, рече канадскиот премиер, додавајќи дека неговата земја „ќе направи се што е потребно за да ја обезбеди победата на Украина“.

Канада, исто така, обезбеди заем од 2,4 милијарди канадски долари (1,78 милијарди американски долари) на Владата на Украина за поддршка на исплатите на пензиите и поправка на енергетската инфраструктура. Вкупната помош на Канада за Украина надмина осум милијарди канадски долари (5,94 милијарди американски долари).

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот