Како можете да го искористите „правилото 2-2-2“ за зајакнување на врската или бракот? Многу е едноставно
Се сеќавате ли кога последен пат со партнерот сте излегле сами, само вие двајца, сте отишле во ресторан, на кино или на прошетка?
Препорачано
Брачните терапевти и експертите за односи би ви кажале дека квалитетното време со вашиот сопружник може да ја зајакне вашата заедница, семејство, но некако, кога „зафатеноста со животот“ ќе ги окупира вашите мисли и време, меѓусебното време е првата работа која изгледа ја оставате настрана.
Создавањето простор за квалитетно време можеби е поважно отколку што мислите, така што би било добро да го пробате правилото 2-2-2.
Што е, всушност, 2-2-2 и како функционира?
Без разлика дали сте младенци кои сакаат да ја зајакнат својата врска или пар кој е заедно со години во надеж дека ќе се поврзе повторно еден со друг, правилото 2-2-2 можеби вреди да се проба. Правилото гласи: на секои две недели излезете навечер, секој втор месец одете некаде за викенд и на секои две години барем една недела бидете сами.
Психоаналитичарката и брачна советничка Кимберли Хершенсон рекла за „Фокс њуз“ дека работела со клиенти кои биле пред развод, но имале голема корист од вклучувањето на правилото 2-2-2 во своите животи.
Како да го вклучите правилото 2-2-2 во вашата врска
Ноќите за состаноци не мора секогаш да бидат комплицирани. Излегувањето надвор и шетањето, готвењето на заедничкиот оброк дома можат да бидат исто толку ефикасни. Сепак, ова време што го поминувате заедно не треба да го користите за да разговарате за проблемите:
– Подеднакво е важно да се забавувате и да се опуштите, уживајќи во убав оброк или филм. Заедничкото патување може да биде исто толку вежба за поврзување, колку што е и можност да дознаете работи за вашиот партнер коишто не сте ги знаеле, а романтичното бегство може да биде токму она што ви треба за да вдишете нов живот во вашиот брак – објаснува Кимберли, пренесува „Лист“ (The List).
