Јелена Ѓоковиќ ја откри темната страна на медалот: За Новак научив дека тој е одличен во грижата за себе
Целиот свет можеби се воодушевува на сè што Јелена Ѓоковиќ има, но таа ја откри и темната страна на медалот.
– Секоја препрека со која се соочуваме нè зајакнува. Ние сме страствени, што доведува до несогласување. Јас во моментов сум посветена на мајчинството и го забавувам темпото, додека тој сака да биде активен – сака да патува, да прави сé и сешто. Во тие моменти го предупредувам дека имаме две деца и дека мора да се прилагодиме на нив – рече Јелена и продолжи:
View this post on Instagram
– Не сакам да правам работи затоа што мислам дека треба да ги направам и немам избор. Сега знам дека имам избор. Работам на моето тело затоа што сакам да имам енергија и да живеам со смеа и смисла, изјави сопругата на најдобриот тенисер на светот, која истакна дека Новак многу подобро се грижи за себе.
View this post on Instagram
– За Новак научив дека тој е одличен во грижата за себе. Порано мислев дека е себично, а сега сфаќам дека не е, дека сите треба да го сториме тоа. Уште учам како да се грижам за себе. Само кога се грижиме за себе, имаме што да им понудиме на другите, рече Јелена, која по факултетот во Италија, заврши магистерски и докторски студии по менаџмент во Монако. Таа призна и дека некое време се натпреварувала со Новак.
View this post on Instagram
– Ќе биде храбро од мене да го кажам ова пред милиони, но се обидов да се натпреварувам со Ноле. Мислев дека не добивам доволно признание што го заслужував, мојата работа и труд не се гледаат, бидејќи се се одвиваат во позадина. Сè што направив беше невидливо. Жените немаат простор да зборуваат, да се покажуваат и постои стереотип за жените спортистки, како треба да изгледаат и да се однесуваат. Порано ме повредуваше што ме препознаваат само како негова сопруга, сега сум горда со тоа, додаде Ѓоковиќ и продолжи:
View this post on Instagram
– Ја вложив сета своја сила да ги одгледам двајцата синови. Посветена сум им целосно и им се давам целосно на нив. А Ноле ми е како дете, бара многу внимание. Имам полни раце работа, мислам дека повеќе не ми треба. Го разбирам Новак, тој многу нешта пропушти во растењето на децата и претпоставувам дека ќе посака уште едно кога ќе ја заврши кариерата. Нема да кажам „не“ ако животот тоа ни го донесе, но ќе кажам дека мојот избор би бил „не“, рече Јелена, која додаде дека долго време била фокусирана на Новак и неговите потреби, па затоа била фрустрирана, бидејќи нејзините потреби не доаѓале на ред. Но, кога го добиле синот Стефан, сè се променило.
View this post on Instagram
– Бев анксиозна, тоа ме уништи, ја уништи мојата слика за себе. Мислев дека сум супер жена, дека можам да одговорам на сите потреби на мојот сопруг и децата, а потоа морав да се соочам со моите стравови. И имам среќа што тоа се случи, затоа што се разбудив и сфатив дека морам да се посветам на себеси, додаде таа за „Стори“ каде, како што истакнува, мајчинството целосно ѝ го променило како животот, така и самата неа.
View this post on Instagram
– Бев фокусирана на Ноле и неговите потреби. Потоа следуваше период на фрустрации, кога ќе сфатите дека вашите потреби не се исполнети. Не можев да ја насочам фрустрацијата кон него, бидејќи тој не е виновен, јас сум самата виновна и беше мој избор да му се посветам нему. Потоа дојде Стефан, кој целосно ме „здрма“, и благодарение на него, сфатив дека треба да се грижам за себе, бидејќи за да бидам добра мајка, морам да бидам добро, истакнала Јелена.
