Ја дочекаа „на нож“: Француска министерка позираше за насловната на „Плејбој“
Француската министерка за социјална екологија Марлен Скиапа ќе се појави на насловната страница на априлското издание на магазинот „Плејбој“, поради што се најде на удар на критичарите.
Интервјуто со министерката на владата на Емануел Макрон ќе се протега на дури 12 страници од француското издание на „Плејбој“, а ќе зборува за правата на жените и ЛГБТ луѓето. Иако таа ќе биде целосно облечена, нејзината одлука да се појави во магазинот „Плејбој“ наиде на критики од одредени политичари, бидејќи се случува во време на големи социјални немири поради пензиските реформи на Макрон.
View this post on Instagram
Францускиот министер за внатрешни работи Жерал Дарманен застана во одбрана на Скиапа во интервју за францускиот „СиЊуз“ во неделата, нарекувајќи ја „жена со карактер“.
„Сакав да кажам дека Марлен Скиапа е храбра политичарка која има свој карактер и која има свој стил кој не е мој, но јас го почитувам“, рече Дарманен.
Скиапа, која е министерка во француската влада од 2017 година, во изданието кое ќе излезе на 8 април, зборува за правата на жените, ЛГБТ заедницата и абортусот.
Француската премиерка Елизабет Борн ја критикуваше Скиапа за насловната страница, велејќи ѝ дека тоа „не е соодветно, особено во овој период“, објави во саботата БФМТВ, цитирајќи извор близок до премиерката.
Invité ce matin sur Europe1 le Ministre de l’intérieur @GDarmanin apporte son soutien à @MarleneSchiappa sur sa Une Une de #playboy. Il cite Cookie Dingler : « vous ne me ferez pas dire de mal de Marlène Schiappa (…) être une femme libérée, c’est pas si facile » pic.twitter.com/pz50OoQdls
— Jeanne Baron (@jeannebarontv) April 2, 2023
Министерката Скиапа, која е и мајка на две деца, на Твитер им испрати јасна порака на критичарите.
„Ги бранам правата на жените да прават што сакаат со своето тело: секаде и постојано. Во Франција жените се слободни. Без разлика дали тоа им пречи на лицемерните или не“, напиша таа, а нејзината објава беше прегледана четири милиони пати.
Défendre le droit des femmes à disposer de leurs corps, c’est partout et tout le temps.
En France, les femmes sont libres.
N’en déplaise aux rétrogrades et aux hypocrites.#Playboy— 🇫🇷 MarleneSchiappa (@MarleneSchiappa) April 1, 2023
Скиапа е долгогодишна застапничка за правата на жените и беше назначен за прв француски министер за родова рамноправност во 2017 година.
Во текот на нејзиниот мандат, е усвоен нов закон против сексуално вознемирување, кој овозможува изрекување парични казни на лице место на мажи кои повикуваат, малтретираат или следат жени на улица.
View this post on Instagram
Францускиот уредник на „Плејбој“, Жан-Кристоф Флорентин, рече дека Скиапа е најкомпатибилна за списанието од нејзините колешки поради нејзините феминистички ставови.
