Изложба со дигитални фотографии од Лука Кекиќ е поставена во КСП „Центар-Јадро“
Изложбата „За Возбудувачот“, проект на дигитална фотографија од Лука Кекиќ, ја симболизира неговата потреба за нова перспектива и неговото истражување на актуелниот свет. Изложбата е составена од фотографии чии визуелен стил е концентриран околу уличната и флоралната фотографија, во негативни и термички ефекти.
Покрај самите фотографии, овој проект вклучува и видеоинсталација, која е придружена со оригинален саундтрак, кој е инспириран и зема примероци на звуците снимени од телескопите „Хабл“ и „Џејмс Веб“ на НАСА.
Главната инспирација за оваа изложба е теоријата дека не сите луѓе ги гледаат боите исти, и дека црвеното на еден поединец може да биде сино на друг, па оттука произлегуваат визуелно претставените абнормални бои.
Целта на оваа изложба е на публиката да ѝ овозможи нова „перспектива“ за светот во кој живееме и да ја мотивира мислата дека секој поединец има различна перцепција и идеја за животот. Изложбата „За Возбудувачот“ беше отворена на 14 март во КСП „Центар-Јадро“.