КУЛТУРЕН ПЕЧАТ број 226, во печатеното издание на весникот „Слободен печат“ (13-14.4.2024), во својот стандарден формат на осум страници меѓу содржините од областа на уметноста и културните настани има:

– интервју со композиторот Панде Шахов за оркестарската верзија на „Македонисимо“: Сакам да експериментирам со акорди

– разговор со кураторката Јасмина Котевска за проектот „Одејќи по тенки линии“: Сите ние Сизифовски го носиме товарот на сопствениот грб!

– монографијата „Стојан Стојков – мојот творечки пат“ беше промовирана на 47. Денови на македонска музика

– добитник на Гран-при на 17. Меѓународно биенале на минијатурна уметност во Горњи Милановац е македонскиот уметник Мице Јанкуловски

– изложба на медални скулптури и други дела на Надја Розева од Бугарија е поставена во објектот Чифте амам при Националната галерија во Скопје

– книгата „Дискретниот шарм на македонскиот филм“ на новинарката Ана Василевска прави пресек на три децении независна македонска кинематографија

– Македонскиот народен театар ја најави премиерата на претставата „Хенгинг Араунд“ на текст на Љупчо Јованов и во режија и адаптација на Бојан Трифуновски

– новинарите на Македонското радио – Радио Скопје, Свето Стаменов и Билјана Таневска Спировска, објавија аудио ЦД со наслов „Господ да ја благослови Македонија“

– книга на месецот во Градската библиотека „Браќа Миладиновци“ во Скопје е „Писмо за Глорија“ на Живко Грозданоски

– издавачката куќа „Матица македонска“ ја објави најновата, триесет и шеста, стихозбирка на Ристо Лазаров со наслов „Господ во бели патики“

– неуморниот писател за деца Васил Мукаетов ја промовираше својата нова книга „Има ли и страна петта?“

– во Домот на култура „Кочо Рацин“ во Скопје на 6 април се одржа литературна вечер на која беа промовирани три книги од авторката Гордана Каракашевска.